Gloria Blog

又和BB見面啦.. 其實21號都見過,係政府照Oscar度頸皮,出黎個結果係1.75mm低風險,我地揀左16weeks時抽血做test,過埋關就冇問題,今日老公有時間陪我過去做產檢,佢最期待係睇BB, Dr. So架機清楚過政府好多,今次睇4D,已經睇到BB的面部,依稀見到眼,鼻,口,而size係8cm,Dr.今次都係講似囝囝黎.. 不過又係話太細未係好確定囉!

呢個星期最開心係星期一晚同信興d舊同事食飯,我地真係好耐好耐冇見啦… 大家係呢段時間都經歷左好多野.. 雖然我係呢間公司做左唔係好耐.. 得兩年時間.. 但係呢段時間大家真係好開心.. 又成日出黎BBQ又出黎玩,不經不覺我地原來識左十幾年啦,希望第時都Keep住見下面啦!
早兩日返屋企,姪女同我MSN,我問佢想要表弟定表妹,佢話要表弟喎,因為太多表妹,咁我同佢講,怕男仔會好百厭同唔聽話,佢答會幫我喎.. 你係之好講喎.. 住得咁遠都少見到啦.. 呢個星期六做產檢唔知姪女會唔會得償所願呢!

都唔知幾耐冇繡過,當然沒動力係唔得啦.. 早兩年同毛毛去左睇手工藝聯合展個時買左兩個Kit,其中一個真係諗住第時繡比自己的BB,依家終於有機會繡 lu… 希望能在BB出世前完成啦,近來身體已經冇之前成日咁易攰,精神不錯,希望今晚即刻開工

Sweet Dreams by Maria van Scharrenburg

尋日一早出左太子飲茶,突然收到老公個朋友電話,話佢要搬屋,有d BB野要比我地.. 睇下啱唔啱..結果我地要左張床同highchair,下午就送左過黎,不過呢張highchair唔太啱. 我地想買可以for初生用到個種,其實呢兩個星期都係忙睇BB野,因為唔太清楚有乜野需要買.. 所以要睇下同知道下有乜功能,其實真係花多眼亂… 返到屋企又要上網睇下人地d心得,不過總算都有d idea
天氣真係開始熱啦… 趁呢段時間出街唔太辛苦,我都約了一些舊朋友出黎食下飯.. 好多都好耐冇見.. 就趁呢個機會大家聚舊一下… 其實我好担心第時會同你地少見面.. 好想趁呢段時間見多d朋友.. 但又怕你地唔得閒.. 有時間可以隨時Call我架,anytime都OK

唔知係咪星期五個晚搭巴士個陣企正個風口位,第二日就開始流鼻水重越夜越多同埋有d咳.. 星期日朝早就去睇左醫生,Dr.開左d收鼻水同止咳藥比我, 佢話如果見好返d 就可以唔駛食,今朝鼻水收晒,咳都少左d,就冇再食藥..不過個人就好攰.. 今晚真係要早d訓休息多d之得

今日12weeks啦,即三個月,可以公開告訴給大家知,預產期係11月27日.. 大家可慢慢看返我的懷孕日記,這兩個多月來身體沒有特別大的變化,又沒有孕吐,少了外出多留在家,在家都沒有特別事想做,真的有點悶,現在精神好得多沒有之前這麼易累,希望可以的話行下Spotlight或裁縫鋪啦.. 朋友你們可以隨時約我架啦!

今日一早就去見Dr. So, BB的Size接近5cm,見佢手腳係度郁郁下好得意,Dr. So話見到一點野係向上多數係囝囝黎,但依家都未係好確定,要遲d之清楚.. hmmmmm..咁我諗21號去埋政府照Oscar應該會明確多d,不過Dr. So話政府未必會講.. 咁真係到時之知嘞
檢查完就約左表妹去香工逛,好彩我地早到,差唔多行完時勁多人,今日收獲唔錯買左5件One Piece 返工同屋企著.. 好平啊……..
另外得知兩姊妹都拍緊拖,真係好登你地高興.. 記得下次帶出黎見我.. 要過目一下

早兩日食Lunch出左葵芳,咁啱見到d大陸綿線,粗粗地買左一舊玩住先,摩落都好軟熟,試下織d小物先

尋日重著長袖褸出街,覺得有點涼,點知今日熱到死,但天文台又話黎緊星期六,日又涼返得個21-25度.. 呢d天氣真係好易令人病

今日第11weeks啦.. 時間好似過得好快咁.. 呢個星期六又要去做產檢,唔知BB又大左幾多呢? 呢個星期真係悶死我,唔想出街,星期六和日下午又冇好節目睇 ><