今日收到毛毛電話，佢話會黎開我地嗰頭，約埋Pig,艾莉同BB出黎食飯，咁梗係好啦．． 但我就取消左同另一班朋友仔的飯局，當然見Bernice 緊要啦．．話晒第一次見喎，時間關係我都冇準備就出去，坐低後同Bernice玩左陣，冇玩具淨係比手指佢玩都玩得好開心．．佢玩左半個鐘又訓返大半個鐘 ．． 一餐飯的時間可以訓到兩轉．．．真係爽．． 到臨走時之開始影相．． 但返到屋企之發現我地冇影大合照呀！下次一定要記得影
今朝睇電視見到1號風球.. 覺得奇怪啦.. 尋日唔係除晒風球咩… 蝴蝶又好似唔係吹黎呢個方向.. 後來新聞話帕布改變左方向會吹返轉頭.. 今日好似有機會掛返3號.. 唉.. 唔好Weekend之黎打風啦..星期日過澳門.. 希望天氣轉好啦!
零晨時已經掛左3號.. 雖然係好近香港.. 但個風真係好弱呀… 出門口時都唔覺特別大風左… 今朝冇搭巴士而揀左搭地鐵轉公司車.貪唔駛搭遮.. 呢個選擇係冇錯嘅
今早掛起一號風球,是今年的第一個風球.. 近年真係少左打風,好的係少d天然災害,唔好的係… 我地少左d額外假期囉.. 睇個路線途好似都打得幾正面咁.. 唔知聽日要唔要返工呢!
一直都想做返d隨身用的拼布小物,但得個想字囉… 為左推動自己要落實去做.. 先黎個Project List，要好好提醒自己唔好再HEA．．．．
1. 鎖匙包
2. 散字包
3. 卡袋
4. Lunch Time 用的外出袋
5. LatiDoll的外出袋
6. Blythe的外出袋
Linen袋
自從5月瘋狂地上YOGA,6,7月又上少左好多,今個月真係要努力d之得,要好好維持每月最少10堂
靚靚的Stamp啊… 好開心有位日本網友替我買了這些,她剛好回港,運費都慳返..超喜歡呢種圖案,重有一套字母添…中間Lace嗰個係之前郵購訂… 先來個Name Card
今日很開心又有新同學一齊上堂,佢就係Carly喇,呢個星期之話好有興趣學,比左資料佢,結果好快咁就報左名..
開心事唔止一樣.. 多謝Pig專程過黎送份禮物比我…
另外今堂主要係做個熊仔紙巾套,上左成六個鐘做好四分三啦!只欠熊仔同d心心咁就大功告成lu..而個Tools Bag都係冇進展.. 下堂就係Last啦.. 要好好比心機做功課之得
明天老細就放完假返黎啦.. 今日d同事個個都話唔好.得鄭生一個叫好.. 梗係啦.. 多左咁多會要開喎.. 老細返黎佢真係開心死!我對佢都好好架啦… 好多文件都等老細返黎之簽.佢簽少好多野