Gloria Blog

尋日做左呢個餸.. 我覺得唔係太夠味.. 但老公就話啱啱好… 重食左一大半添

放工嗰時好彩多得Tommy車我去又一城.. 好快就到
去到supermarket超多人.. 好多人揀牛扒.. 我今次買左西冷..
價錢算係中等價兩件大約百四左右..
又買左好好味的大磨菇…  餐湯就係金寶南瓜忌廉湯

牛扒好似熟左d.. 不過都好好味… 冇

今日收到蚊子寄給我的布啦.. 超開心呢

呢次做的餸真係好快… 食譜寫只需兩分鐘.. 但點都係有d担心所以用多一分鐘黎整.. d雞翼好淋… d洋蔥就淋得滯.. 下次可以用返兩分鐘

又有新玩具啦.. 呢個新年又要努力做手工lu

好休閒的樣子啊!.. 想買這幅繡圖.. 好多玫瑰啊!
今年希望能完成一幅Mirabila的圖.. 手中材料齊全有Cinderella

[…]

尋日終於試左炆牛腩啦.. 今次第一次用個pan 黎整
加壓成功… 炆左十分鐘.. 用濕毛巾加自動排氣
不過加左半杯水.. 好似多左d… 我諗下次可以真係唔加水都得
老公尋晚竟然可以清晒成碟… 勁!
另外我用左個煲黎煲魚湯… 加壓成功.. 煲左五分鐘..
之後再滾多十分鐘… 但好似出唔到味…

呢三樣新玩具.. 真係可以令我日日早d返屋企… 心思思都想試整新野!

上星期買了Fissler高速煲,因正做推廣的關係,送了一課烹飪班,而導師是代言人Jackie Yu,即囍宴私房菜的掌舵人,唔知係邊個?.. 就係早前和周汶渏做台灣美食特輯嗰個…今次我和毛毛一起上課.. 很開心呢!
每人都有一份禮物– 保暖壺一個及一百元現金巻(早知叫多個朋友去啦)
Jackie示範了三個菜 — 欖豉醬蒸魚,香酥九製陳皮骨及胡椒蝦
三個菜都不難做.. 希望呢個星期可以試一試

買了高速煲回來煲了兩次湯.. 好好味好成功.. 尋日就試下一煲兩味..
不知什麼原因加壓唔成.. 後來就用中小火來煑左20分鐘左右…
因第一次用來炆餸怕乾水.. 加水就多了一點..
肉同瓜都好諗…. 時間應該都可以唔駛咁耐…
另外就做埋個白飯.. 之前都担心會唔會有餸的味
結果係原來唔係太大影響到.. d飯都好Good.. (重一粒粒企晒係度.. ho ho)
今次第一次做.. 成績都唔錯啦…
我會繼續用呢個煲黎做唔同的餸.. 同試多d一煲兩味或一煲三味