真係好耐冇買過十字繡雜誌, 星期六終於買左Cross Stitcher 的X’mas Issue,呢期係附送我至愛的Margaret Sherry 的月曆,之前兩年一d都唔吸引,所以我都冇再訂,09年呢個真係好正.. 另外今日又去逛下Cross Stitcher 的官方Blog,原來依家可以download返過往每期都刊的字母pattern.. 當然係Margaret Sherry的出品啦..
Margaret Sherry’s alphabet
呢隻鸚鵡真係惡.. 攪到香港掛左咁多個鐘九號風球..好耐未試過,呢朝一早六點就醒左,起身睇下新聞話未來數小時會掛八號.. 咁就去再訓返啦.. 點知訓唔著,咁老公又比我嘈醒左,大家齊齊起身話去食早餐,當時外面天氣仲好好,好多人係公園做早操,我地食完野就返屋企,到好似九點左右就掛左八號風球.. 外面睇黎都仲未係好大風,到一點左右就掛九號,d風開始大,是日全日冇出街啦…. 就係屋企狂織被仔.. 織左好多
– 8月24日進度
是晚細佬要去英國,下午我就幫佢打去問問d航機情況,新聞話兩點過後所有都停航,過程都好順利,航空公司重做埋轉機的機位,到夜晚八點左右,航空公司又再打黎話又要延遲起飛,要到第二朝十點半,又再重新做多次轉機機位,Service都OK,我覺得唔係太亂
星期六朝早又一早醒左五點半起身,因為要幫細佬check航機時間,睇下再有冇更改,幸好可以預時出發,咁我拿拿聲打比佢,叫佢早d出門口啦.. 怕機場多人等得耐,之後就出左去食早餐,七點再打比佢睇下到左未,竟然仲係屋企.. 真係比佢激死,到九點左右又再打比佢.已經到左機場,攪緊Check in,到十點知道佢已經入左禁區仲買緊野之安心d咋.. 真係超担心
是晚再聯絡英國的表妹,交待細佬的到步時間,咁啱佢部腦壞左,咁我上Gatwick個網度Double Check啦.. 死火點知check唔到班機的資料,後黎我再上Airline個網站度Check.. 原來唔係停Gatwick架..要去返希斯路機場,就拿拿聲話比表妹知,真係一額汗
星期日朝早五點半電話響起.. 其實響左幾次.. 係細佬打返黎,佢地到左倫敦,不過冇表妹電話,之前已經叫佢寫低d聯絡電話架啦.. 又唔聽,咁我即刻打比表妹.. 佢話過緊去重有15分鐘就到,我心掛掛又未訓得返,過左一個鐘後再聯絡佢地.. 接到機啦冇問題.. 我就安心再訓過,今日訓得比較晏啦.. 成九點半之再起身,下午去左沙田行街,夜晚就返屋企睇奧運閉幕禮,雖然冇開幕咁精采,但都OK啦.. 倫敦個part就ma ma 地,話咁快16日的奧運就完,時間過得真快
開始織BB被已經四日啦,其實冷都買左成個月,但Pattern揾左好耐都冇啱心水,結果就揀左呢本冷書的其中一個黎織,自己計返針數,張被的Size是1米x1米,起220針,大約240行,用6號日本織針,尋日織到有三十幾行,希望今個月內完成
個風都黎得算快同強勁,掛左12個鐘八號.全日都唔駛返工,冇得出街就係屋企整下野食同鈎野,經過上次落左風球係茶餐廳冇野食後.尋晚知道有機會掛八號,就去買定d早餐同Lunch的餸
是日午餐係燒雞脾意粉
下午無聊又手痕又整左個口金.. 今次係鈎唔係用布,其實之前都有整過,但唔啱位,呢個係用十蚊綿線黎整.. so good ne….
因為冇加裡袋所以唔敢裝重野,用黎裝Card Reader同Card啱啱好
到五,六點落左八號就到左出面食飯,原本想去葵芳但又怕唔多鋪頭開,經過上海婆婆就唔去葵芳,係呢度攪掂夜晚呢餐,返到屋企手痕依然,咁我又拎左之前買左個舊粗少少的十蚊綿線黎鈎袋,坦白講用貴線我一定唔捨得用個袋,呢舊綿線真係好抵織.. 大家估下一舊可唔可以鈎到個袋….
好耐都沒買十字繡的野,最近開始了一幅又再令我對十字繡產生返興趣,今日去返自己個社群睇返自己之前介紹過Lanarte這篇post,裡面有post這幅繡圖,突然好想買返,但ebay都揾唔到,我記得幾年前已經唔再出,希望有緣的話比我遇到啦!
繡了四日,進度唔錯呢
Start from 31 May 08
都唔知幾耐冇繡過,當然沒動力係唔得啦.. 早兩年同毛毛去左睇手工藝聯合展個時買左兩個Kit,其中一個真係諗住第時繡比自己的BB,依家終於有機會繡 lu… 希望能在BB出世前完成啦,近來身體已經冇之前成日咁易攰,精神不錯,希望今晚即刻開工
Sweet Dreams by Maria van Scharrenburg