尋日一早就返左去廣華做血糖測試,奶奶就過黎照顧Anson,我梗唔放過出街呢個機會啦,原本諗住約朋友Lunch,結果我太多地方想去就冇約朋友,首站係旺角十蚊店逛左成個圈一d收穫都冇揾唔到想買的野,之後又去左中南都揾唔到,呢個時候就好想過海,好耐冇去裁縫鋪啦.. 過得銅鑼灣,我諗起大坑那家小店,上車後便致電Candice問地址,點知原來逢星期一休息… 噢.. 又一次係咁啦.. 上次又係去開中環,咁順便去埋印章小店,又係冇開.. 咁算啦.. Lunch Time啦.. 就去左板前食… 好味呢… 逛完裁縫鋪諗住走架啦… 都係去埋Kit Shop先… 點知佢休息…. 好啦… 今日都總算有d收獲,買左兩本書同一d綿線… (裁縫鋪d冷做緊減價)… 快快樂樂回家去囉!
http://groups.msn.com/CrossStitchFamily
呢個社群成立了差不多六年啦.. 時間過得很快.. 回想當初大家都是因為喜歡十字繡而認識.. 其間好似經歷左好多野咁… 以前攪過幾次GATHERING都好開心好成功,原來最後一次已經係05年的事啦…. 坦白講我已冇晒心機理呢個社群,今天有衝動去刪除添,唔知係咪整定,MSN社群服務會明年的二月關閉,即係話天都覺得我應該係時候放低一D野.. 唔好再諗返以前D野,人總要向前望… 呢幾日我又被不安的情緒困擾.. 好想擺脫… 但唯一可以做的係忘記過去… 當所有野都冇發生過.. 包括好的事同唔好的事… 以前有人同我講成長係痛苦.. 或者咁講… 經歷人生的轉變也是痛苦… 每當我有這個轉變時都感到孤單無助… 以前可以跨得過我相信今次也可以… 時間就是最好的証明…
陪月貞姐今日開始唔再返啦… 今日老爺奶奶又返左大陸
呢日對我黎講都係一個考驗
一早八點餵奶重任交左比我老公,因為半夜嗰餐由我負責
訓到十一點多之起身,之後要預備十二點個餐
老公去左買LUNCH,我就餵奶
到一點左右攪掂晒我就上下網輕鬆下
兩點半就開始預備幫BB沖涼,洗衫,餵奶,一路到五點之做完
夜晚老公約左舊同學食飯,婆婆就上黎煮晚飯,
佢幫手餵八點餐奶.. 我又可以休息一下
如果今晚婆婆唔過黎幫手.. 真係超級的忙
係我坐月呢個月.. 除左陪月貞姐
重有要多謝我老爺奶奶晚晚過黎煮飯同做左唔少家務
令我可以好好休息,身體也回復得很好
還有可以比我到外面逛逛輕鬆下添!
零晨一點開始覺得每隔15分鐘痛一次.. 再問姑娘.. 但回覆都係未算係陣痛….唉.. 咁有規律都未叫係.. 真難明
到了零晨三點已經係5分鐘痛一次啦… 我再去問姑娘.. 得到回覆係.. 陣間揾人睇你…..
陣痛已經令我好辛苦.. 係床上我只能做的是深呼吸黎減低痛楚,每次的陣痛都係由pat pat位開始… 一路包圍整個下腹… 已經痛到冇力… 另一姑娘終於係兩個鐘後即零晨五點黎睇我… 檢查過後原來已經六度啦….. 天呀!… 真係估唔到就快要生啦… 我的心情也很緊張
之後推我去產房,終於比笑氣我啦… 這救星舒緩了我陣痛的辛苦…大約六點多姑娘通知我老公過黎,我諗大約八點左右老公到左,但我吸笑氣都吸到個人很迷糊..到了九點半十點左右.. 兩位助產士都叫我開始隨時用力生… 呢個時間我感到有點迷茫.. 一來個人太攰,而且真不知怎樣去做,係一個鐘內試左四次,每次都係回氣太大而未能成功,大約十一點左右多了一位助產士入黎幫手,呢次真係用晒成個人的氣力… 及佢幫忙按我的肚… 終於發力四次生左亞B啦…….好攰好攰.. 但個人真係鬆晒…呢刻我老公也很興奮,他見到整個生產過程和替BB剪臍帶,當BB放到我身邊時感覺很奇妙
** 照片待我再整理一下才補回
呢日真係大日子.. 首先係Cotton Candy 的Grand Open..是晚係YKY的舊生Gathering… 我期待又担心呢日的黎臨.. 好彩亞B好乖冇提早出世,又冇令我唔舒服.. 比我開開心心咁過左呢個愉快的週六.. 鍚晒你…
一早回公司執好個位..攪掂晒之安安樂樂放產假..
Lunch又去左Oliva食個超值Lunch Set… 真係好抵呢…. 食飽飽就出發去CCK… 時間尚早唔太多人.. 分別同Mag及cb影左相就開始shopping… 呢個時候真係開始多人.. 買完野等埋見Allie就返屋企小休一下…
是晚就返左去舊校YKY… 呢晚好多舊同學返左黎.. 部份都成十年冇見啦.. 大家最期待係見返d 舊老師… 真係好似時光倒流咁…. 點解d老師都冇變… 大家影相真係影得好開心… 原來我地十幾人裡面都係住係嗰兩個屋邨,所以咁啱小學同幼稚園都有同校… 又大玩一輪.. 期間我興奮過度嚇親大家.. 真係唔好意思… 最好多謝May陪我去食碗麵同等車…
呢日真係過得好開心又滿足.. BB好多謝你呀!
聽日要放產假啦.. 公司重有好多工作未完成.. 只能完成左要交給別人來做個d.. 想後日返多一次公司黎清理一下..枱上的文件重有好多好多…..呢晚都留到八點之走… 途中諗左好多野… 回到家後不想說話…上網週圍去睇下… 一下子又情緒低落… 唉.. 可能真係太攰…. 好想大哭一場
這星期真的忙爆… 就係煩公司野囉.. 事情發生突然.. 呢個世界真係好多野好難預計.. 身邊的同事都好好.. 大家都好合作… 黎緊呢兩個月真係大家要忍耐一下… 好多工作還是待我回來再處理吧..也要多謝各部們的姐妹幫忙… 辛苦你地啦……我知你地唔想我太掛心… 但真的担心呢…. 希望呢兩個月沒麻煩事發生啦!
係呢度要祝福李小姐.. 你有好的前景我都很替你高興.. 雖然呢個時間對我黎講唔係適合時間.. 但有咁的條件真係唔好錯過呢… 祝你事事順利,囝囝聽聽話話
近來我的腦都是想著公司事,Blog都冇心機寫,明天是正式放產假啦,希望有時間補回啦!
時間真係話咁快就過.. 還有兩天就到37週.. 星期三係廣華做產檢時,醫生都叫我執好個走佬袋,真係隨時就生得.. 不過呢個星期六會再去Dr. So度照BB睇下佢依家的情況如何.. 呢三個星期好彩重得1kg唔太多.. 咁又即係話重左落BB度多左啦…. 希望保持呢個進度..BB乖乖地.. Dr. So話出世時應該有七磅多
由下星期開始就每個星期三都要返廣華做產檢… 重有返多兩星期工就正式放產假啦…
心情唔太緊張.. 不過呢個星期每朝返工都覺得好辛苦.. 因為個人好熱.. 返到公司真係身水身汗..上午時間最難過,又眼訓.. 下午就好d..可能個肚真係大啦.. 食野多個胃就唔太舒服.. 又係要分開食.. 每朝六點幾就餓醒左.. 深夜又係維持去兩,三次廁所..
早兩日接到美寶電話.. 原來佢都知以前間中學的校友會係11月15號攪BBQ.. 之前我講左唔去架啦.. 但又知好耐冇見的舊同學會返.. 真係超想返去.. 可惜老公嗰日有約.. 唔比我自己返..唉… 冇法啦… 我生左之後你地要黎探我.. 真係好耐冇見你地..
上星期日冇野做就去左沙田探Ming & Wing’s BB,呢個係大隻BB黎架.剛滿月依家有11磅有多呢.. 勁..
老公話好想試下餵BB.. 就叫左Ming教佢沖奶,同洗奶樽.. 重教埋個煲奶樽機點用添..
到正式要餵… BB對眼一直咁望住老公.. haha佢一定好奇怪點解有位生面口的叔叔黎餵佢,但又肚餓喎.. 所以一直都好順利.. 四安的奶係十分鐘內就飲晒
大家覺得呢位準爸爸合唔合格呢!
photo by wing
呢隻鸚鵡真係惡.. 攪到香港掛左咁多個鐘九號風球..好耐未試過,呢朝一早六點就醒左,起身睇下新聞話未來數小時會掛八號.. 咁就去再訓返啦.. 點知訓唔著,咁老公又比我嘈醒左,大家齊齊起身話去食早餐,當時外面天氣仲好好,好多人係公園做早操,我地食完野就返屋企,到好似九點左右就掛左八號風球.. 外面睇黎都仲未係好大風,到一點左右就掛九號,d風開始大,是日全日冇出街啦…. 就係屋企狂織被仔.. 織左好多
– 8月24日進度
是晚細佬要去英國,下午我就幫佢打去問問d航機情況,新聞話兩點過後所有都停航,過程都好順利,航空公司重做埋轉機的機位,到夜晚八點左右,航空公司又再打黎話又要延遲起飛,要到第二朝十點半,又再重新做多次轉機機位,Service都OK,我覺得唔係太亂
星期六朝早又一早醒左五點半起身,因為要幫細佬check航機時間,睇下再有冇更改,幸好可以預時出發,咁我拿拿聲打比佢,叫佢早d出門口啦.. 怕機場多人等得耐,之後就出左去食早餐,七點再打比佢睇下到左未,竟然仲係屋企.. 真係比佢激死,到九點左右又再打比佢.已經到左機場,攪緊Check in,到十點知道佢已經入左禁區仲買緊野之安心d咋.. 真係超担心
是晚再聯絡英國的表妹,交待細佬的到步時間,咁啱佢部腦壞左,咁我上Gatwick個網度Double Check啦.. 死火點知check唔到班機的資料,後黎我再上Airline個網站度Check.. 原來唔係停Gatwick架..要去返希斯路機場,就拿拿聲話比表妹知,真係一額汗
星期日朝早五點半電話響起.. 其實響左幾次.. 係細佬打返黎,佢地到左倫敦,不過冇表妹電話,之前已經叫佢寫低d聯絡電話架啦.. 又唔聽,咁我即刻打比表妹.. 佢話過緊去重有15分鐘就到,我心掛掛又未訓得返,過左一個鐘後再聯絡佢地.. 接到機啦冇問題.. 我就安心再訓過,今日訓得比較晏啦.. 成九點半之再起身,下午去左沙田行街,夜晚就返屋企睇奧運閉幕禮,雖然冇開幕咁精采,但都OK啦.. 倫敦個part就ma ma 地,話咁快16日的奧運就完,時間過得真快